Hinaing ng isang Makata
By JANICE FERANCULLO
Sa pagtakbo ng aking diwa at isipan Sabay din ang pagsulong ng aking panulat Minsay walang gana, walang saysay Minsay inspirado at Ganado.
Mapaglaro ang isipan at ang aking kamay Nilalabas ang tunay na nararamdaman Pasalamat ako dahil tanging papel at bolpen lamang ang nakakaintindi sa akin.
Sinasalamin nito ang aking mood Sinisimbolo ang aking pagkatao Inilalarawan ang aking kakayanan Ipinapamalas ang aking galing.
Tanging sa ganitong paraan lang ako nakakapagsambulat Ng aking tunay na kalagayan at nararamdaman. Kapag makulit, masaya, malungkot, inlove at nayayamot Sari-saring titik aking napapagsama-sama.
Kung anu-ano ang nabubuo at natatapos Pero dito ako masaya, ditto ako maligaya Ibig sabihin ito ang drama ko sa buhay Ito ang tanging kakampi ko laban sa aking emosyon.
Hindi nyo alam dito lang ako nagsasabi ng totoo Dito lamang ako nagpapakatotoo at nagpapakatao Ito lamang ang paraan para sabihin kong “PINAMAHIWAGA” ang pagiging makata.
|