Si Juan at ang bulok na sistema
By ARIES FESARITON
Sa gitna ng kagubatang ang puno ay yaong nagtataasang gusali, Nangaglisaw taong ang isip ay nabalutan ng poot at dumi Halakhak ng mga buwaya’t huni ng uhaw ng pulitikong-paniki, Sa pandinig ng mga taga lungsod; kasawia’t pagkalipol ng lahi!
Ang hangin na iyong naaamoy, hangin na nagbibigay buhay Ay napalitan ng nakasusulasok na amoy ng kaunlaran Ang dating sariwa, malinis at birheng kalikasan Ngayo’y mandaragit at sa atin ay syang papatay!
Tao ang dumungis at sumira sa mismo nyang tirahan Nagsunog at nagtapon ng mabahong aroma ng kasalukuyan Iba’t-ibang produkto ng pag-unlad, handog sa may kasiraan, Tahanang ipinagkatiwala, sisirain na nga ba ng tuluyan?
Ito ang lungsod, ang mundo… ang sanlibutan sa ngayon Marumi, mabaho, marahas, maninila at gutom na gutom May ahas na hahalik, traydor! Dulot ay pangkitil na lason, Sino ang ahas? Kaibigan mong matalik ang ahas na iyon?
Bagamat sadya na ngang Malaya sa kuko ng agila May panibagong sumulpot; di basta buwaya Naglipana ang turo at panghikayat ng mga bulaang propeta Tao ang bihag, napaglaruan, naloko at nabiktima
Marumi na nga ang hangin, pati na ang isipan natin, Adiksyon sa droga’y matindi, pornograpiya’y uso na rin, Ang musikang dati’y kay-inam, ngayo’y ugat na ng kasamaan Mahalay at bastos na mga liriko ang dito’y umiiral!
Anon a ang nangyari sa lupang sinasabing pinagpala? Nahan na ang matayog nitong pangarap at adhika, Sistema ng mundo’y wasak na wasak na! Kalian ka kikilos? Ngunit sandal… kikilos ka ba?
|